EEN GROOT FAMILIE
Welkom by die Gemeente Hartebeeshoek –
‘n Gemeente wat God se hart, Sy wil en Sy liefde eerste stel.
Ons wil Hom in wese leer ken, lief kry en Hom alleen dien
(2 Pet. 1:3-9) – ‘n lig vir Hom wees, ‘n stad op ‘n hoë berg (Jes. 61:10 en 11).
As liggaam van Christus gaan kerk vir ons oor ‘n saak van geloof, opregtheid en liefde vir God.
Diensbaarheid vir ons is daarom ‘n hartsaak en getuig van ‘n persoonlike verhouding met God.
Ons wil aanraak en mededeelsaam wees vanuit ons liefde vir God – dit is waar die hartklop van ons gemeente begin; by ons liefde vir God.
BEGIN JOU DAG SAAM MET GOD - STILTETYD
STILTETYD
Ek kan nie anders as om vanoggend te begin by Rom.11:16-19 wanneer ek Openbaring 3:11 lees.
Dit is die wortel wat die boom regop hou nie die boom die wortel nie. As die boom aan God gewy is sal ook die takke gewy wees ~ en dan seker ook die vrug, wat my laat dink aan die gelykenis van Jesus oor die wingerdstok en lote.
Moenie dat iemand die kroon op jou kop kom wegvat nie.
Hoe diep is ons werklik gewortel in die Here en Sy Woord? Het ons ñ penwortelstel wat diep strek met haarwortels wat voedingsware uit trek of is ons ñ boom met ñ oppervlakkige sywortelstelsel wat groen vwrtoon maar wat die wind sommer maklik omwaai.
Moenie dat iemand jou kroon kom roof nie.
Wat steel jou kroon op jou kop wat God daar geplaas het?
Sien ons glo en lees en bid en ons gaan darm nog kerk toe en is getrou aan God maar hoe diep strek ons geloof. As storms van ons tyd aan ons kom pluk, hoe vas is die kroon op ons kop, hoe sterk staan ons boom, hoe diep is ons gewortel in God en Sy Woord?
Open.3:8 en 10 lees;- omdat jy vasgehou het aan My in jou swakheid sal Ek jou vashou noudat jy swak is.
Hoe sterk is ons in God in ons swakheid en hoe sterk is Hy in ons wanneer ons swak is?
Watter boom is ons en is ons kroon wat God daar geplaas het nog op ons kop?
Baie glo en blom ~ maar as die warm woestynwind oor hulle waai verwelk hulle gou en sterf geloof in God...
Dra ons vrug in swaar tye of net as dit goed gaan? Is die Here net goed as dit met ons goed gaan of is Hy vir ons ook goed wanneer dit minder goed gaan?
Hoe diep strek ons geloofswortels?
Kry ons boom son?
Staan dit in die lig?
Kry dit kos en water?
Is die kroon wat God geplaas op ons kop nog daar of het iets of iemand dit kom roof?
Hoe dieper ons wortels in die Here hoe minder sal die winde van verandering ons omwaai.
Hoe kry ek my wortels dieper. Deur nie net te lees en bid nie maar ook wat ek lees en bid te begin glo en te leef. Luister, hoor, volg, ken, doen is die kunsmis wat jou boom sal laat groei.
Mooi dag vir u.
Bedienning
Jong Dissipels
In ons gemeente is kinders baie belangrik want hulle is vir God baie belangrik (Mark 10:16; Mat. 18:3; Mark. 9:42).
In ons gemeente word kinders nie gesien as die toekoms van die kerk nie; hulle is ons broers en susters in die geloof en daarom wil ons met hulle wat deel is van God se huisgesin moeite doen en laat deel wees van God se huisgesin.
Die gesegde: “kinders word gesien maar nie gehoor” geld nie by ons. Kinders word by ons gesien en gehoor en het ‘n deelnemende stem as deel van die huisgesin.
Josua bediening
(Jong werkende jeug)
Josua bediening gaan oor naskoolse bediening, wat die insluit wat klaar is met skool en studeer, of dalk of reeds werk en nie getroud is nie en ‘n hart het vir God en Sy Evangelie.
Hierdie bediening is geskoei op Josua 1:9 en Josua 24:22. Hierdie is ‘n omgeebediening wat deur sel (saamreis in geloof en stil word voor die Here) groei na uitreik en aanraking van ander.
.jpg)
Goue Jare
Hierdie bediening is geskoei op liefde en omgee soos
Mat. 25:34-46 dit beskryf.
- Ouetehuis besoeke (Huis Louis Trichard, Huis Judy, Huis Hanna)
- Tuisbesoeke van Bejaardes
- Versorging in nood (bv. na hospitalisasie besoek en gaar voedsel te voorsien)
- Van toeka tot nou oggende - getrakteer met ‘n heerlike ontbyt en goeie musiek
- Wegbreek week
Vroue van die Woord
(Sarah in aksie)
Vroue van God in aksie.
Jesaja 66:12-14; 1 Petrus 3:1-7; Josua 24:21-27; Matteus 16:24; Lukas 10:38-42 asook Jesaja 49:15-16
Betekenis in naam: Toonbeeld van moederlike krag, instink en vooruitgaan; deursettingsvermoë en inbors; volhardend en uitvoerend; skoon van binne en buite – opreg, glimlaggend, dienend.
Die bediening het ten doel om op gereelde basis bymekaar te kom en saam tot Vader te bid en saam stil te word en te groei in hulle verhouding met God ons Here.
.jpeg)
Wyksapostels - (Kerkraad)
Hierdie gaan oor die geestelike welstand van gesinne wat terugwys na die ou struktuur van ouderlingskap, maar met ‘n “twist”. Hierdie bediening is soos die ander bedienings, ‘n omgee bediening. Die individu neem hier die vorm van apostelskap aan.
‘n Diensorgaan bestaan uit 5 gesinne per wyk wat aan ‘n gesin in daardie wyk toegedeel word. Hierdie bediening moedig die huisgesin aan om deelnemend effektief diensbaar te wees as dissipels en apostels van die Here en as huisgesin van God.
Hierdie bediening vra vir geestelike sorg en omsigtigheid nasorg. Die diensorgaan wil in liefde begelei en ondersteun.
Die diensorgaan wil die emosionele sowel as die fisiese hanteer waar daar die behoefte is. (Emosioneel: deur te luister, hoor, en empaties saam te voel; Fisies: te ondersteun en waar nodig aan basiese behoeftes soos voorbereide etes, en ander middele wat benodig word tot hulle weer hulleself kan versorg).
Die primêre doel van die diensorgaan is om; mee te reis totdat die geaffekteerde gesinslede vir hulle self weer kan sorg.
Die been word ondersteun deur die siensorgane beskikbaar in die gemeente asook wat professioneel benodig word.
Manne van die Woord
(Gideon bediening)
Manne van God in aksie.
Rigters 15:15; Matteus 12:4; Handelinge 5:32; Romeine 11:16-19 Josua 24:21-27; Rigters 7:5 asook Matteus 16:24; Johannes 21:15-17
Hierdie bediening gaan oor gewillige manne wat ‘n brandende begeerte het om deur Vader gelei te word, in verhouding met Hom wil staan, Hom bo alles liefhet (Deuteronomium 8:3-18).
.jpg)
.jpg)
Die Koffiehuis:
(Diensgroep vir chemies-afhanklikes)
Hierdie diensgroep is nuut en in wording en het ten doel om gesinne wat gebuk gaan onder chemiese turbulensie by te staan. Hierdie bediening gaan om sowel die afhanklike en die geaffekteerde gesin by te staan.
Die basis van die bediening maak gebruik van program van Narkotika Anoniem – ‘n niewinsgewende organisasie, wie mans en vrouens wil help wat ‘n ernstige probleem het met chemiese middels asook met ander verslawings probleme. NA maak gebruik van ‘n twaalfstap program wat onder eie verantwoordelikheid en keuse bygehou moet word. Dit is gratis en geen kontraktuele verpligtinge. Die program laat jou toe om self verantwoordelikheid te neem vir jou lewe.
Hierdie program stal individue in staat om deur mense gelei en ge-mentor te word wat self verstaan.
Verwelkomings-span
Verwelkomings-span
Hierdie is ‘n span individue wat nuwe lidmate en besoekers identifiseer met die doel om hulle welkom te heet en te voorsien met die nodige gemeente inligting vir inskakeling (Heb. 13:2).
.jpg)
.jpg)
Elia bediening
(Hartklop vir Armoede)
So sê die Here die God van Israel: “Die meel in die kruik sal nie opraak nie, en die olie in die kan sal nie minder word nie, totdat die Here laat reën het op die land.” (1 Konings 17:13-17)
Ons lewe in die voorsienigheid van God en Sy hulp. Vanuit Sy genade probeer ons doen wat Hy van ons vra. Sorg. Hierdie bediening gaan oor meer as net kos voorsien. Ons probeer ook aan die geestelike boehoedtes voorsien.
Tans bedien ons deur die Hartklop vir Armoede Projek om en by 600 persone, in die gemeenskap en gemeente waar ons woonagtig is. Die projek is betrokke by kindersorg, gesinsorg, bejaardesorg, voedselskemas, berading, mediese sorg, geestelike versorging en so meer.
Die Hartklop vir Armoedespan glo dat om iemand iets in die hand te gee, slegs tydelike vertroosting bring. Daarom probeer ons sover dit moontlik is by mense aan huis te kom, om sodoende kerk te wees in mense se omstandighede. Ons doel is om elkeen menswaardig te hanteer en te respekteer, deur liefde te betoon (al het ons soms ook niks in ons hande om te gee nie – Hand. 3:1-6).
Ons betrokkenheid as huisgesin van Vader word bepaal deur Jesus ons Here, God ons Vader onder die leiding van God se Gees.
Diensorgane: Huis Hanna; Huis Louise Trichard; Huis Judy; Huis Grace Land; Uncle Ben’s; Huis Amadea; DPS Huis Ninapark; Rata Ondersteuningsraad; Laerskool Vissershoek Koskombuis; Kinderterapie; Studiebeurse; Pastoraat, Diakonie; hulp vir Chemies afhanklikes.